Do 22 ao 29 de maio, o profesor Carlos Costas, da especialidade de Metal do noso centro, está a realizar unha experiencia de job shadowing en Frosinone, cidade situada ao sur de Roma, dentro do programa Erasmus+.
Ao longo desta estadía, o docente ten a oportunidade de coñecer de primeira man o funcionamento da Formación Profesional en Italia, observando metodoloxías de traballo, proxectos técnicos e a relación entre os centros educativos e o tecido empresarial da zona.
Frosinone, situada na rexión do Lacio, é unha cidade cun destacado desenvolvemento industrial e unha forte vinculación coa formación técnica e tecnolóxica. A experiencia desenvólvese nun centro de educación superior de referencia da zona, o que permite intercambiar boas prácticas e establecer contactos internacionais de cara a futuras colaboracións.
Este tipo de mobilidades Erasmus+ contribúen á internacionalización do centro, favorecen o intercambio de experiencias educativas e enriquecen a formación do profesorado, repercutindo de maneira positiva na aprendizaxe do alumnado.
Comentarios
Publicar un comentario