XORNADAS DE MOBILIDADE ERASMUS+ DE FORMACIÓN PROFESIONAL

Os días 30 de Setembro e 1 de Outubro de 2025 celebráronse en Carmona, Sevilla, as xornadas de mobilidade Erasmus+ de Formación Profesional organizadas polo SEPIE. A estas xornadas asistiu en representación do IES Plurilingüe A Paralaia, Raquel Pereira, coordinadora Erasmus VET/HED do noso centro.

As xornadas consistiron nunha formación intensiva para coñecer as ferramentas que nos permitirán xestionar o proxecto KA121VET que temos en marcha, así como un punto de encontro con outros compañeiros para compartir experiencias.

Comentarios

Publicacións populares deste blog

PROMOCIÓN DE EINDHOVEN NO IES PLURILINGÜE A PARALAIA

O mércores día 1 de Outubro visitou o noso centro Tinus van de Pas, da empresa T Talent, para dar unha charla ao alumnado dos ciclos medios de instalacións eléctricas e automáticas e de mecanizado sobre as oportunidades que hai para eles e elas na rexión de Brainport, en Eindhoven. Tratouse dunha presentación moi motivadora para animar aos rapaces e rapazas a que aproveiten as oportunidades que o programa Erasmus+ lles ofrece, e que pensen nos Países Baixos como unha boa opción para comezar a súa vida profesional.

Ler máis

PRAZAS ERASMUS+ PROFESORADO CURSO 2025/26

Ábrese o prazo para persoal con docencia en formación profesional básica, ciclos medios e superiores do IES Plurilingüe A Paralaia, para presentar solicitudes para a unha mobilidade Erasmus+ no curso 2025/26. O prazo remata o venres día 12 de decembro. O xoves día 4 haberá unha reunión informativa ás 11:00 na sala de usos múltiples. Máis info: Últimas convocatorias

Ler máis

Martín e Pablo regresan de Malta tras unha enriquecedora experiencia Erasmus+

Martín Herbello e Pablo Entenza, alumnos do ciclo medio de Instalacións Eléctricas e Automáticas do IES Plurilingüe A Paralaia, veñen de regresar de Malta tras completar dous meses e medio de prácticas nunha empresa en Valleta, grazas a un proxecto KA121-VET Erasmus+ . Durante a súa estancia, puideron poñer en práctica os coñecementos adquiridos no ciclo formativo, mellorar as súas competencias profesionais e, ao mesmo tempo, vivir unha experiencia cultural única noutro país europeo. Ademais, tiveron a oportunidade de mellorar o seu nivel de inglés convivindo e traballando nun entorno internacional. Ambos os dous destacan a experiencia como moi positiva e animan a outros compañeiros e compañeiras a aproveitar esta oportunidade : “É unha experiencia que paga a pena. Aprendes moito, tanto a nivel profesional como persoal”. No IES Plurilingüe A Paralaia seguimos traballando para que o noso alumnado poida seguir desfrutando destas oportunidades que ofrece o programa Erasmus+.

Ler máis

Buscar neste blog