O alumno do IES Plurilingüe A Paralaia de Moaña, Luis Xavier Magallanes, regresou esta semana da súa estancia de tres meses en Cuxhaven, Alemaña. Luis estivo realizando, grazas ao programa Erasmus+, as prácticas finais correspondentes co módulo de Formación en Centros de Traballo do Ciclo Medio en Instalacións Eléctricas e Automáticas.
Cuxhaven é unha cidade do norte de Alemaña, preto de Bremen e Hamburgo. O alumno desenvolveu os coñecementos adquiridos no instituto de xeito satisfactorio na empresa de instalacións eléctricas Elektrobau Wilhelm Grebe GmbH.
Despois deste período de tempo no estranxeiro desexa animar a outros alumnos para que aproveiten esta experiencia tan enriquecedora e gratificante. Todo o alumnado de formación profesional ten que facer estas prácticas ao rematar a súa formación, e o programa Erasmus+ facilita os fondos para cubrir os gastos de viaxe e estancia fóra do país de orixe. Deste xeito ademais de traballar e completar a súa formación, os alumnos e alumnas poden vivir a experiencia cultural e mellorar as súas competencias lingüísticas.
Comentarios
Publicar un comentario