Erasmus+ no IES Plurilingüe A Paralaia

As profesoras María Leal (Departamento de Inglés) e Raquel Pereira (Departamento de Electricidade), coordinadoras dos programas Erasmus+ nos ámbitos escolar e de formación profesional respectivamente, asistiron o sábado 15 de Febreiro a unha xornada de formación sobre internacionalización celebrada polo CAFI no EGAP en Santiago de Compostela. 

O pasado 14 de Febreiro publicouse a resolución definitiva dos KA120. O IES Plurilingüe A Paralaia está de noraboa, xa que logrou a acreditación no ámbito de Formación Profesional. Isto abre novas oportunidades de financiación para proxectos acreditados KA121-VET nos vindeiros cursos escolares.  Lamentablemente non se logrou no ámbito Escolar, no que é moito máis complicado polo elevado número de centros e solicitudes, pero non nos damos por vencidos e actualmente hai un equipo comprometido traballando para mellorar a solicitude presentada no 2024. 

Recentemente publicouse o listado provisional de centros acreditados para solicitar proxectos propios de mobilidade para alumnado e persoal de Ciclos Medios e Formación Profesional Básica. O IES Plurilingüe A Paralaia, que xa ten experiencia previa en estas mobilidades a través dos consorcios da Xunta de Galicia e da Deputación de Pontevedra, aparece como centro seleccionado. Isto abrirá posibilidades moi interesantes para a nosa comunidade educativa. Informaremos das novas próximamente.

O equipo Erasmus+ do noso IES segue traballando para lograr a acreditación no ámbito escolar, que permitirá abrir novas oportunidades para o noso alumnado de secundaria e Bacharelato, así como para o persoal que desexe realizar cursos de formación ou aprendizaxe por observación noutros países.  Lamentablemente a puntuación obtida na solicitude feita en Outubro de 2024 non foi suficiente, pero sábese onde se pode mellorar. Mentras trabállase na solicitude dun proxecto de curta duración KA122-SCH que se fará no mes de Febreiro de 2025, esperando obter así recursos para que se poidan realizar actividades Erasmus+ o vindeiro curso 2025/26.